-ÇAXA KU- Marilyn Hacker

Wergerandin ji Erebî: Xoşman Qado

Çaxa ku zarok bi tawanbaran re xistin zindanekê û hatin işkencekirin

Pîregura ku çîrok digot bêdeng ma

Çaxa ku keç û xort bi stranan daketin kolanan

Û birayên wan gulle berdane wan, koçikê ku ji xwendinê hez dike pirtûka xwe girt

Çaxa ku gel wekû pez tevgerîya, pisîka sexteçî

Nema tinazîyê xwe bi pezan dikir û dilê wê bi wan şewitî

Çaxa ku yên rebel bûn karmend, jûjî di bin

Kevirê xwe de xwe feşart û nema bi hevalên xwe re pev çû

Pîrehesp nema li ser şevê û beyabanê di bazarê de diaxive

Çi ku parçeyên wî li pêşîya goştfiroşgehê tê qetkirin

Çaxa ku şoreşger dan dûv şopa jimalbarkirîyan, gura ciwan kincê heca xwe pêçand

Û di bin darekê de veşart û piştî hingê di pertûka xwe de nenivîsand

Û şagirtan pertûkên xwe yên dibistanê qetandin û bizinek serjê kirin û ew xwarin

Çaxa ku yê qeşmer bû serok û yê stemkar bû leheng, stranbêja bîyan

Xemla rûyê xwe jê bir û daket kolanê da ku tevlî parsekan bibe

Gurê ku berê helbestên xwe distra, li ser çîyê bûrîya

Û pê re mamosta û helbestvan jî bûrîyan

Çaxa mêrxasîya ku rê li paş xwe şewitand

Û li pêşîya xwe xelkên şer û yên aşîtîyê civand, nexweş ket,

Çaxa ku bi têkçûyîna xwe û bi nehedanbûna xwe nexweş ket, min ferheng girtin û min hemî gotin ji bîr kirin.

*Helbestvana Amerîkî ev helbest bi zimanê Erebî nivîsîye, û taybet bo RÊyê hatiye şandin. Ji bo vê yekê jî ev helbest hat wergerandin bo Kurdîyê jî.