أنا الذي ليس كمثله شيء في الأرض ولا في السماء
أنا المستاء
أنا الموجود بدون لازمة
وخط العمر في القسمة مالوهش نصيب
أنا الضايع من الترتيب
وأنا الساقط من الحسابات
في وسط الطرح تلقاني
غريب في الجمع من صغري
وتوهة الحال ندهاني
لأني قريب
برغم البعد
مفيش فايدة من المشهد وبرضو هاغيب
أنا السرحان في همومي
وغصب يا رب هاعيش يومي
واعدي الليلة وارميها
لأني مفيش
ودايما باجري ع الضحكة عشان معييش
أنا الزعلان من الدنيا
وأكل العيش
وع الهامش صايبني الدور
باحاول أفهم القصة بشفطة بن
لكني أظن من بختي مفيش تعريف
كأني رغيف
وكأنه غُلب
مهزومة روحي م السوا على كل جنب
هاتوا الحنين
ما كانش ذنب
إني في مرة انتبه
والقى الطريق
يا ريت يا قلبي ترتوي
وتعود صديق
الكتابة م البداية كات فعل حزن
دقوا المزاهر
التعليقات مغلقة.